Нидерландиялик ҳужумчи Мемфис Депай Бразилиянинг «Коринтианс» клуби билан янги шартнома бўйича келишувга эришди. Бу ҳақда журналист Фабрицио Романо хабар берди.
Маълум қилинишича, 32 ёшли ҳужумчининг «Коринтианс» билан янги шартномаси 2028 йилнинг ёзигача амал қилади. Бунгача Депай клубсиз қолиши мумкинлиги маълум қилинганди.
Маълумот ўрнида, «Манчестер Юнайтед» собиқ футболчиси Бразилия клубига 2024 йилда қўшилганди. Шундан бери Депай жамоа сафида барча мусобақаларда 78 та учрашувда иштирок этиб, 20 та гол урди ва 15 та ассист амалга оширди.
Transfermarkt маълумотига кўра, нидерландиялик ҳужумчининг нархи 7 миллион еврони ташкил этади.
