2026 yilgi jahon chempionati finalining bosh hakami bo'lgan sloveniyalik Slavko Vinchich hakamlik faoliyatini yakunladi. Bu haqda Sloveniya futbol ittifoqi matbuot xizmati xabar berdi.
Vinchich faoliyatini 2026 yilgi jahon chempionati tugaganidan bir hafta o'tib yakunladi. Musobaqa finalida Ispaniya milliy jamoasi qo'shimcha bo'limlarda Argentinani 1:0 hisobida mag'lub etgandi.
Qayd etish lozim, Xalqaro futbol tarixi va statistikasi federatsiyasi (IFFHS) uni 2026 yilgi jahon chempionatining eng yaxshi hakami deb topdi. Shuningdek, Italiyada unga jahon va Yevropa chempionatlarining hal qiluvchi bosqichlarida eng yaxshi hakamga topshiriladigan nufuzli «Julio Kampanati» mukofoti ham berildi.
Ma'lumot o'rnida, 46 yoshli Vinchich 2026 yilgi jahon chempionatida 4 ta uchrashuvni bosh hakam sifatida boshqardi.
Muxlislar bu yangilikni Telegram’da muhokama qilmoqda
Izohlar Telegram’da ochiladi