Испания терма жамоаси бош мураббийи Луис де ла Фуэнте ЖЧ-2026 даги ғалабадан сўнг жамоаси таянч яримҳимоячилари — Родри ва Мартин Субимендининг савиясини юқори баҳолади.
Родри жаҳон чемпионатида Испания миллий жамоаси сардори бўлиб, якунда мусобақанинг энг яхши футболчиси деб топилди. Аргентина билан кечган финал беллашувининг (1:0) 99-дақиқасида унинг ўрнига Мартин Субименди майдонга тушди.
Маълумот учун, «Арсенал» таянч яримҳимоячиси учун бу ЖЧда майдонга тушган илк ўйини бўлди.
«Ҳеч кимни хафа қилмоқчи эмасман, барчани ҳурмат қилган ҳолда айтаман: аввал ҳам таъкидлаганимдек, Родрига шубҳа қилиш — футбол интеллектини ҳақоратлаш демакдир.
У ўз позициясида дунёнинг энг яхши футболчиси. Шу билан бирга, бизда Мартин Субименди ҳам бор — яна бир ажойиб ўйинчи, у дунёда, эҳтимол, иккинчи ўринда туради.
Родри ўйиндан-ўйинга кучайиб борди. Аслида, у ҳатто 50 фоиз тайёр бўлганида ҳам бошқа кўплаб футболчилардан яхшироқдир», — деди Де ла Фуэнте RTVE телеканали эфирида.
Эслатиб ўтамиз, ЖЧ-2026 финалида испанлар Аргентинани қўшимча бўлимларда киритилган ягона гол эвазига (1:0) мағлуб этиб, тарихда иккинчи бор жаҳон чемпионлигини қўлга киритди.
