Инфантино: «Баҳсли» вазиятлар ва «ғалати» интизомий қарорлар дунёнинг топ лигаларида ҳам кузатилади»

FIFA президенти Жанни Инфантино якунланган ЖЧ-2026 давомида қабул қилинган шов-шувли қарорлар ҳақида фикр билдирди.

«Ваколатли органларнинг айрим қарорларидан норозилик — тушунарли ҳолат. Аммо, илтимос, расмий ҳужжатларга эътибор беринг — бундай қарорлар дунёнинг энг йирик чемпионатларида ҳам одатий ҳол ҳисобланади.

Ҳакамларнинг «баҳсли» қарорлари ёки «ғалати» интизомий қарорлар, масалан, нотўғри берилган бўлиши мумкин бўлган қизил ёки сариқ карточкалар, шунингдек, айрим вазиятларда футболчиларни дисквалификация қилмаслик ҳақидаги кейинги қарорлар дунёнинг энг катта лигаларида ҳам кенг тарқалган ва оддий ҳолатдир.

Қизиғи шундаки, айнан шу амалиётни қўллайдиган мамлакатлар бир вақтнинг ўзида уни танқид ҳам қилади», — дея Инфантинонинг сўзларини келтиради FIFA расмий сайти.

Эслатиб ўтамиз, 2026 йилги мундиалда мезбон АҚШнинг ҳужумчиси Фоларин Балогун аввалги ўйинда қизил карточка олганига қарамай, Белгияга (1:4) қарши Жаҳон 1/8 финал баҳсида майдонга тушди. Унинг 1/16 финал доирасидаги Босния ва Ҳерцеговина (2:0) билан қарши ўйинда олган қизил карточкаси учун берилган дисквалификацияси вақтинча тўхтатилди. АҚШ президенти Доналд Трамп Балогуннинг четлатилиши масаласини Инфантино билан муҳокама қилганини тан олди.