Неймар «Сантос»да юзага келган можародан сўнг жамоа машғулотини рухсатсиз ўтказиб юборди

Неймар жамоадошлари билан юзага келган можародан кейин «Сантос»нинг машғулотини рухсатсиз қолдирди.

Аввалроқ 34 ёшли ҳужумчи Бразилия А Сериясининг 20-туридан ўрин олган «Шапекоэнсе» (2:2) билан ўйиндан кейин кийиниш хонасида 21 ёшли Габриэл Бонтемпони «бир тўда ахлат» деб атагани ва 19 ёшли Жоао Ананяс билан тортишиб қолгани ҳақида хабар берилганди.

Кейинчалик Неймар жамоадошлари билан жанжал бўлганини рад этди: «Бу бутун жамоа билан бўлган суҳбат эди. Ёлғон материалларни тарқатаётган одам ҳеч нарсани билмайди».

O Globo маълумотларига кўра, баҳсдан кейинги куни Неймар «Сантос» базасига келган, аммо суратга тушиб, қаҳва ичганидан сўнг у ерни тарк этган. Ҳужумчи асосий таркиб футболчилари учун режалаштирилган тикланиш машғулотида қатнашмаган, бу эса мураббийлар штаби режасига кирмаганди.

Шунингдек, «Сантос» директорлар кенгаши аъзолари кийиниш хонасидаги можаро ҳолатларини аниқлаш учун машғулот базасига келгани айтилмоқда.