Skaloni: "Sizlarga yana bir bor chempionlik quvonchini hadya eta olmaganim uchun uzr so'rayman"

Argentina milliy jamoasi bosh murabbiyi Lionel Skaloni Jahon chempionatidan keyin muxlislarga murojaat qildi.

19 iyul kuni o'tkazilgan 2026 yilgi mundial finalida Argentina qo'shimcha bo'limlarda Ispaniyaga 0:1 hisobida mag'lub bo'ldi.

«G'am va quvonch, ko'z yoshi va tabassum, qalb og'riqi va xotirjamlik qorishib ketgan og'ir haftadan so'ng nihoyat bir necha satr yozishga qaror qildim. Ijtimoiy tarmoqlarni unchalik yoqtirmayman, ammo bu so'zlarni sizlarga yetkazishning eng yaxshi yo'li shu bo'lsa kerak.

Menda faqat bitta narsa qoldi — sizlarga yana bir kubokni olib kela olmaganim va yana bir bor sizlarga g'alaba quvonchi hadya eta olmaganim uchun uzr so'rash. Balki o'sha quvonch sizlarga hayot tashvishlarini hech bo'lmaganda bir necha kunga unutdirgan bo'lardi.

Ammo sizlardan shuni yodda saqlashingizni istaymanki, men va futbolchilarim — ularni rafiqamga "mening jangchilarim" deb atagaman — sizlarga nimadir ko'rsatishga harakat qildik. Bu — mehnat, istak, matonat, vaziyat qanchalik og'ir bo'lmasin taslim bo'lmaslik, hatto hech narsangiz qolmaganida ham boringizni berish, sizni tanimaydiganlardan keladigan qattiq tanqidlarga chiday olish, maqsad sari intilish va oyoqlaringiz sizga bo'ysunmay qolganida ham tik turishdir. Mana shu — haqiqiy sovrin.

Murabbiylar shtabiga, futbolchilarga, Argentina futbol assotsiatsiyasi (AFA) xodimlariga, biz uchun barcha sharoitlarni yaratib berayotgan insonlarga va har biringizga mehringiz uchun cheksiz minnatdorlik bildiraman. Argentinali bilan do'stlashgan inson haqiqiy xazina kiritgan bo'ladi», — deb yozdi Skaloni.