Daily Mail xabariga ko‘ra, «Arsenal»ning asosiy transfer maqsadi bo‘lgan Vinisius Junior bu hafta «Real»dagi mashg‘ulotlarga qaytmaydi, chunki uning kelajagi borasida noaniqlik saqlanib qolmoqda.
Avvalroq «Real» shu hafta Vinisius Junior vakillari bilan futbolchi kelajagi bo‘yicha muzokaralar o‘tkazishi ma’lum qilingandi.
Ushbu muzokaralar yangi uzoq muddatli shartnoma bo‘yicha kelishuvga erishishga qaratilgan bo‘ladi.
Bu yozda o‘zining chap qanotini kuchaytirishni maqsad qilgan «Arsenal» klubi Vinisiusga qiziqish bildirmoqda va vaziyatni sinchkovlik bilan kuzatib bormoqda.
Bosh murabbiy Joze Mourinio braziliyalik futbolchini tarkibida saqlab qolishni istaydi va klub ham vingerning yangi shartnoma imzolashini istamoqda.
Ta’kidlab o‘tish lozimki, braziliyalikning shartnomasi yakunlanishiga bir yildan ozroq vaqt qolmoqda va agar yangi bitim borasida kelishuvga erishilmasa, «Real» uni tekinga yo‘qotmasdan, balki sotib yuborishga harakat qilishi ehtimoli yuqori.
