«Nyukasl» klubi sobiq bosh murabbiyi Alan Pardyu Londonning «Arsenal» jamoasining braziliyalik vinger Vinisius Juniorga bo‘lgan qiziqishi haqida fikrlarini bildirib o‘tdi.
«Bu shunchaki ajoyib transfer bo‘ladi. Menimcha, u amalga oshadi. Futbolchining shartnomasi yakunlanishiga bir yilgina vaqt qolgan, «Real» esa hali ham u bilan yangi bitim bo‘yicha kelisha olmadi.
Londonliklarning hozir bitta zaif nuqtasi bor – bu hujumning chap qanoti. Agarda men jamoa bosh murabbiyi bo‘lganimda, Vinisius singari vingerni qo‘lga kiritishni istagan bo‘lardim. «Arsenal»da qolgan hammasi bor», - deya mutaxassis so‘zlaridan iqtibos keltirdi Metro.
Ma’lumot uchun, braziliyalik vingerning «Real» bilan amaldagi shartnomasi 2027-yil yozida yakuniga yetadi.
Transfrmarket portali Vinisius Juniorning aktual transfer narxini 140 million yevroga baholamoqda.
