Fransiya milliy jamoasi bosh murabbiyi Zinedin Zidan «Real»dan ketganidan keyin ham futbolni muntazam kuzatib borganini ma’lum qildi.
L’Equipe xabariga ko‘ra, fransiyalik mutaxassis besh yil davomida bekor o‘tirmaganini va ko‘plab bahslarni tomosha qilganini ta’kidladi.
«Men besh yil davomida bekor o‘tirmadim. «Real»ni boshqargan vaqtimdagidan ham ko‘proq bahslarni tomosha qildim. Fransiya milliy jamoasini ham diqqat bilan kuzatdim va bu jamoada katta salohiyat borligini ko‘ryapman», — dedi Zidan.
Qayd etilishicha, Zidan «Real»dagi faoliyati davomida ketma-ket uch marta Chempionlar ligasida g‘olib chiqqan va ikki bor Ispaniya chempionligini qo‘lga kiritgan. U 2021 yilda Madrid klubini tark etganidan so‘ng boshqa jamoani boshqarmagandi.
Ma’lumot uchun, Zinedin Zidan yaqinda Fransiya milliy jamoasi bosh murabbiyi etib tayinlandi. U ushbu lavozimda 14 yil ishlagan Dide Deshamning o‘rnini egalladi.
