«Barselona» futbolchisi Rodri Ernandesning aytishicha, shanba kuni «Sevilya» bilan o‘tkazilgan o‘yin jamoa uchun bu mavsumdagi birinchi haqiqiy qiyin sinov bo‘ldi.
«Ko‘k-anorranglilar» bahs davomida hisobda ortda qolayotganiga qaramay, 3:1 hisobidagi irodali g‘alabani tantana qildi. E’tiborli jihati, mehmonlarning uchala golini ham Rafinya Dias kiritdi.
O‘yindan keyin kataloniyaliklar yarimhimoyachisi Rodri taassurotlari bilan o‘rtoqlashdi.
«Bu mavsumda biz birinchi marta haqiqiy qiyinchiliklarga duch keldik. Ochig‘i, og‘ir bo‘ldi. «Sevilya» bilan mehmonda o‘ynash La Ligadagi eng qiyin sinovlardan biri hisoblanadi. Bu ajoyib jamoa», - dedi yarimhimoyachi o‘z intervyusida.
Ma’lumot uchun, «Barselona» 21 ochko bilan yetti turdan keyin Ispaniya chempionati musobaqa jadvalida peshqadamlik qilmoqda, «Sevilya» esa 13 ochko bilan beshinchi o‘rinda bormoqda.
