«Barselona» bosh murabbiyi Xans-Diter Flik La Liganing 7-turida «Barselona»ning «Sevilya» ustidan qozongan g‘alabasi (3:1) va shogirdi Rafinyaning xet-trigi haqida fikr bildirdi. O‘yin «Ramon Sanches Pisxuan» stadionida (Sevilya, Ispaniya) bo‘lib o‘tdi. Bosh hakam vazifasini Xuan Martines Munuera (Alikante) bajardi.
«Bu ideal natija! Bu yerda g‘alaba qozonganimizdan juda xursandman. Rafinyaning bunday o‘yini meni umuman ajablantirmaydi», — deya Flikning so‘zlaridan iqtibos keltiradi Marca nashri.
Ma’lumot uchun, Ispaniya chempionatidagi yettita o‘yindan so‘ng «Barselona» 21 ochko jamg‘arib, musobaqa jadvalida peshqadamlik qilmoqda. «Sevilya» hisobida esa 13 ochko bor va jamoa beshinchi o‘rinda joylashgan.
Eslatib o‘tamiz, keyingi uy uchrashuvida «Barselona» 10-oktyabr kuni «Xetafe» bilan o‘ynaydi.
Muxlislar bu yangilikni Telegram’da muhokama qilmoqda
Izohlar Telegram’da ochiladi