«Arsenal» va Angliya milliy jamoasi yarimhimoyachisi Deklan Rays o‘g‘lining «Barselona» futbolchisi Lamin Yamalga muxlislik qilishi haqida gapirdi. U Ispaniyaga qarshi Millatlar ligasi bahsi oldidan o‘g‘li va yosh futbolchi o‘rtasidagi muloqotni esladi.
«Unga Yamalga qarshi o‘ynashimni aytganimda, u qayta-qayta: «Nega Lamin bilan o‘ynaysan?!» deb so‘rayverdi. Ammo Lamin unga juda iliq munosabatda bo‘ldi. Ota sifatida men bu e’tiborni chin dildan qadrladim. Bu juda samimiy va mehribon munosabat edi», — deya Raysning so‘zlarini keltiradi Fabritsio Romano.
Angliyalik futbolchi Yamalning bunday munosabatini ispaniyalik futbolchining ukasini tarbiyalashda ishtirok etishi bilan bog‘ladi. Uning fikricha, shu sababli Yamal yosh bolalar bilan qanday muomala qilishni yaxshi biladi.
Ma’lumot uchun, Rays avvalroq «Oltin to‘p» uchun ovoz berishda Harri Keynning Yamal ustidan qozongan g‘alabasini haqli deb hisoblashini aytgan edi. Shu bilan birga, u ispaniyalik futbolchi kelajakda ushbu sovrinni bir necha bor qo‘lga kiritishiga ishonishini bildirgan.