«Barselona» hujumchisi Rafinya Chempionlar ligasi 3-turida «PSJ»dan uchralgan mag‘lubiyat (2:4) haqida fikr bildirdi.
«Albatta, biz bunday holat yuz berishi mumkinligini bilardik. Chempionlar ligasining ikki karra g‘olibi maydonida o‘ynadik. Bu juda kuchli jamoa. Albatta, biz g‘alaba bilan yoki hech bo‘lmaganda bir ochko bilan qaytishni istagandik, ammo hechqisi yo‘q. Qachondir bunday mag‘lubiyat sodir bo‘lishini bilardik. To‘g‘ri, uch ochko yo‘qotdik. Lekin bundan tushkunlikka tushmasligimiz kerak. O‘yinimizni yaxshilashimiz va «El Klasiko»ga yaxshi holatda borishimiz kerak. Har ikki jamoa ham to‘pga egalik qilishni xohlaydi. Menimcha, bu yaxshi sinov bo‘ldi va bunday raqiblar bilan tengma-teng kurasha olishimizni ko‘rsatdi. O‘ylaymanki, biz yaxshi o‘ynadik.
Bu mag‘lubiyat «Real»ga qarshi uchrashuvga tayyorgarligimizga hech qanday ta’sir ko‘rsatmaydi», — deya Rafinyaning so‘zlaridan keltiradi UEFA rasmiy sayti.
Muxlislar bu yangilikni Telegram’da muhokama qilmoqda
Izohlar Telegram’da ochiladi