«Barselona» Yevropaning kuchli beshlik chempionatlari orasida ushbu mavsumda eng ko‘p futbolchisi gol urgan jamoaga aylandi. Kataloniyaliklar Ispaniya chempionatining so‘nggi turida «Betis»ni 5:2 hisobida mag‘lub etdi. Ushbu bahsda Rodrigo Ernandes, Erik Garsiya va Dani Olmo mavsumdagi ilk gollarini urdi.
Shu tariqa, Hans-Diter Flik boshqaruvidagi jamoa safida ushbu mavsumda jami 13 nafar futbolchi gol muallifiga aylandi. Bu ko‘rsatkich Yevropaning Angliya, Ispaniya, Germaniya, Italiya va Fransiya chempionatlari vakillari orasida eng yuqori natija hisoblanadi.
Ma’lumot uchun, ushbu ko‘rsatkich bo‘yicha «Barselona»ga eng yaqin jamoa — «Betis». Sevilyaliklar safida 10 nafar futbolchi gol urgan. Angliyaning «Brayton» va Italiyaning «Inter» klublarida ham shuncha futbolchi gol muallifiga aylangan.
Eslatib o‘tamiz, «Barselona» Ispaniya chempionatining navbatdagi turida 25-oktyabr kuni Madridning «Real» klubiga qarshi maydonga tushadi.
