Argentinalik himoyachi Lisandro Martines ushbu mavsum yakunida «Manchester Yunayted»dan ketishi mumkin. Insayder Ekrem Konurning ijtimoiy tarmoqlarda yozishicha, futbolchiga Ispaniyaning ikki top-klubi — «Barselona» va Madridning «Atletiko» jamoalari qiziqish bildirmoqda.
Manbaga ko‘ra, «Manchester Yunayted» himoyachining shartnomasini uzaytirish imkoniyatidan foydalanmasligi mumkin. Bu esa Martinesga mavsum yakunida erkin agent sifatida boshqa klubga o‘tish imkonini beradi.
Ma’lumot uchun, 28 yoshli himoyachi 2022-yil yozidan buyon «Manchester Yunayted» safida to‘p surmoqda. Transfermarkt portali uning bozor qiymatini 45 million yevroga baholamoqda.
