Аргентиналик ҳимоячи Лисандро Мартинес ушбу мавсум якунида «Манчестер Юнайтед»дан кетиши мумкин. Инсайдер Экрем Конурнинг ижтимоий тармоқларда ёзишича, футболчига Испаниянинг икки топ-клуби — «Барселона» ва Мадриднинг «Атлетико» жамоалари қизиқиш билдирмоқда.
Манбага кўра, «Манчестер Юнайтед» ҳимоячининг шартномасини узайтириш имкониятидан фойдаланмаслиги мумкин. Бу эса Мартинесга мавсум якунида эркин агент сифатида бошқа клубга ўтиш имконини беради.
Маълумот учун, 28 ёшли ҳимоячи 2022 йил ёзидан буён «Манчестер Юнайтед» сафида тўп сурмоқда. Тransfermarkt портали унинг бозор қийматини 45 миллион еврога баҳоламоқда.
