«Барселона» ҳужумчиси Ламин Ямал ушбу мавсумда барча мусобақаларда 10 та гол уриб, 10 та голли узатмани амалга оширди. Опта статистик портали Х ижтимоий тармоғида хабар беришича, испаниялик футболчи Англия, Испания, Германия, Италия ва Франция чемпионатлари вакиллари орасида ҳар икки кўрсаткич бўйича икки хонали натижага эришган илк футболчи бўлди.
Ямал мавсумдаги 10-голини Чемпионлар лигаси умумий босқичининг 3-турида «ПСЖ» дарвозасига киритди. Бироқ парижликлар ушбу баҳсда 4:2 ҳисобида ғалаба қозонди. 19 ёшли ҳужумчи Чемпионлар лигасининг ушбу мавсумида иккита гол уриб, тўртта голли узатмани амалга оширган.
Маълумот учун, Ямал «ПСЖ»га қарши баҳсда 79-дақиқада гол урди. Бу «Барселона»нинг ўйиндаги иккинчи голи бўлди.
Эслатиб ўтамиз, «Барселона» навбатдаги ўйинини 25 октябр куни Испания чемпионатининг 10-тури доирасида «Реал»га қарши ўтказади.
