«Барселона» Европанинг кучли бешлик чемпионатлари орасида ушбу мавсумда энг кўп футболчиси гол урган жамоага айланди. Каталонияликлар Испания чемпионатининг сўнгги турида «Бетис»ни 5:2 ҳисобида мағлуб этди. Ушбу баҳсда Родриго Эрнандес, Эрик Гарсия ва Дани Олмо мавсумдаги илк голларини урди.
Шу тариқа, Ҳанс-Дитер Флик бошқарувидаги жамоа сафида ушбу мавсумда жами 13 нафар футболчи гол муаллифига айланди. Бу кўрсаткич Европанинг Англия, Испания, Германия, Италия ва Франция чемпионатлари вакиллари орасида энг юқори натижа ҳисобланади.
Маълумот учун, ушбу кўрсаткич бўйича «Барселона»га энг яқин жамоа — «Бетис». Севиляликлар сафида 10 нафар футболчи гол урган. Англиянинг «Брайтон» ва Италиянинг «Интер» клубларида ҳам шунча футболчи гол муаллифига айланган.
Эслатиб ўтамиз, «Барселона» Испания чемпионатининг навбатдаги турида 25 октябр куни Мадриднинг «Реал» клубига қарши майдонга тушади.
