«Атлетико» Мадридга тегишли норвегиялик ҳужумчи Александр Сёрлот фаолиятини Италия чемпионатида давом эттириши мумкин. Инсайдер Экрем Конурнинг маълумотига кўра, Турин клуби «Ювентус» 30 ёшли футболчига қизиқиш билдирмоқда ва уни январ ойидаги трансфер ойнасидаги асосий мақсадига айлантирган.
Сёрлот ушбу мавсумда Испания чемпионатида бор-йўғи битта баҳсда майдонга тушди. Бу ҳолат ҳужумчининг келажаги борасидаги тахминларни кучайтирмоқда.
Маълумот учун, норвегиялик футболчи 2024 йил августидан буён «Атлетико» сафида тўп сурмоқда. Унинг Мадрид клуби билан шартномаси 2028 йил июн ойи охиригача амал қилади. Тransfermarkt портали ҳужумчининг бозор қийматини 15 миллион еврога баҳоламоқда.
