«Реал» раҳбарияти инглиз қанот ҳимоячиси Трент Александер-Арнолднинг жамоадан кетишини талаб қилмаяпти. Бироқ инсайдер Экрем Конурнинг ижтимоий тармоқлардаги маълумотига кўра, Мадрид клуби футболчи учун манфаатли таклиф тушса, трансфер вариантини кўриб чиқиши мумкин.
Қайд этилишича, Александер-Арнолднинг юқори маоши унинг бошқа жамоага ўтишига асосий тўсиқ бўлиши мумкин. «Ливерпул»дан келганидан кейин инглиз футболчиси «Реал»нинг асосий таркибидан мунтазам ўрин эгаллай олмади.
Маълумот учун, Тransfermrkt портали Александер-Арнолднинг бозор қийматини 60 миллион еврога баҳоламоқда. Унинг «Реал» билан шартномаси 2031 йил июн ойи охиригача амал қилади.
