«Liverpul» yirik yevrokuboklar doirasida o‘z maydonida so‘nggi 25 yil ichidagi eng tezkor gollardan birini o‘tkazib yubordi. Ispaniyaning «Vilyarreal» klubi hujumchisi Jorj Mikautadze Angliya jamoasi darvozasini 3-daqiqa 54-soniyada ishg‘ol qildi.
Bu «Liverpul»ning o‘z maydonida yirik Yevropa musobaqalarida o‘tkazib yuborgan gollari orasida tezligi bo‘yicha ikkinchi natija bo‘ldi. Bundan tezroq gol 2001-yil sentyabrida qayd etilgan: o‘shanda «Boavishta» futbolchisi Elpidio Silva Chempionlar ligasi bahsida «Liverpul» darvozasini 3-daqiqada ishg‘ol qilgan.
Ma’lumot uchun, Mikautadzening erta kiritgan goliga qaramay, «Liverpul» bahs davomida vaziyatni o‘nglab, 4:3 hisobida g‘alaba qozondi.
Eslatib o‘tamiz, Chempionlar ligasi umumiy bosqichining navbatdagi turida «Liverpul» Turkiyaning «Fenerbahche» klubiga qarshi maydonga tushadi.
