«Liverpool» bosh murabbiyi Andoni Iraola Chempionlar ligasi 3-turida «Villarreal» ustidan qozonilgan g‘alaba (4:3) haqida fikr bildirdi.
«Bu o‘yinni zerikarli deb bo‘lmaydi. Raqib bizdan ancha yaxshiroq ko‘rindi, ayniqsa dastlabki 30–35 daqiqada, hisob 2:0 bo‘lguniga qadar. Ikkinchi bo‘limda esa biz ancha yaxshi o‘ynadik. Nazarimda, xuddi shu 30–35 daqiqa davomida, ya’ni to‘rtinchi golimizga qadar ustunlik qildik.
Ehtimol, o‘yinni haddan tashqari xotirjam boshlagandirmiz. 4:2 hisobida oldinda borayotganimizda ham vaziyat tarangligicha qoldi. Go‘yoki hammasi hal bo‘lgandek edi, ammo raqib so‘nggi daqiqalarga qadar bosim o‘tkazishda davom etdi. Axir, bu juda kuchli jamoa.
Haqiqatan ham yuqori saviyali raqibga qarshi o‘ynaganimizni hisobga olsak, qo‘lga kiritilgan uch ochkoni juda qadrlayman. Bu jamoani yaxshi bilaman va uning qanchalik kuchli ekanini tushunaman. Shuning uchun ham bu g‘alaba men uchun juda muhim va qadrli», — deya Iraolaning so‘zlaridan keltiradi «Liverpool» rasmiy sayti.
