«Barselona» hujumchisi Rafinya La Liganing 11-turida «Alaves»ga qarshi bahs (6:1)da dubl qayd etdi.
Bu gollar braziliyalik futbolchining ushbu mavsum Ispaniya chempionatidagi gollari sonini 15 taga yetkazdi. U ushbu natijaga musobaqadagi dastlabki 10 ta o‘yinida erishdi.
Rafinya hozirda Yevropaning top-5 chempionatlari orasida bu mavsumning eng sermahsul futbolchisi bo‘lib turibdi. Bu natija top-5 liga o‘yinchilari orasidagi eng yuqori ko‘rsatkich hisoblanadi.
Shu bilan birga, XXI asrda La Liganing dastlabki 10 uchrashuvida Rafinyadan ko‘proq gol urgan faqat Krishtianu Ronaldu bor. «Real»ning sobiq hujumchisi 2014/2015-yilgi chempionatning dastlabki 10 ta o‘yinida raqiblar darvozasiga 18 marta yo‘l topgan edi.
Shu tariqa, braziliyalik futbolchi ushbu ko‘rsatkich bo‘yicha asrning eng yaxshi natijalaridan birini qayd etdi. U rekorddan uchta gol ortda.
Muxlislar bu yangilikni Telegram’da muhokama qilmoqda
Izohlar Telegram’da ochiladi