«Barselona» bosh murabbiyi Hans-Diter Flik jamoasi «Alaves»ni 6:1 hisobida mag‘lub etganiga qaramay, raqibning o‘yin oxirida urgan golidan norozi bo‘ldi.
Kataloniyaliklar La Liga doirasidagi bahsda 84-daqiqada gol o‘tkazib yubordi. Flikning aytishicha, tanaffus paytida jamoa ikkinchi bo‘limda ham darvozasi daxlsizligini saqlashni maqsad qilgan.
Shunga qaramay, «Alaves» o‘yinning so‘nggi qismida gol urib, bu rejani amalga oshirishga yo‘l qo‘ymadi. Mutaxassisning ta’kidlashicha, futbolchilar ham o‘tkazib yuborilgan goldan mamnun emas.
«Tanaffusda darvozamizni daxlsiz saqlashni xohlayotganimiz haqida gaplashgandik. Ikkinchi bo‘limda ham xuddi shunday kayfiyatni saqlash muhim edi.
O‘tkazib yuborilgan goldan men ham, futbolchilarning o‘zi ham norozi», — dedi Flik. Ma’lumot o‘rnida, ushbu g‘alabadan so‘ng «Barselona» turnir jadvalida 30 ochko bilan yana peshqadamga aylandi. «Alaves» esa 12 ochko to‘plab, 8-pog‘onadan joy olgan.
Muxlislar bu yangilikni Telegram’da muhokama qilmoqda
Izohlar Telegram’da ochiladi