«Барселона» ҳужумчиси Рафиня Ла Лиганинг 11-турида «Алавес»га қарши баҳс (6:1)да дубл қайд этди.
Бу голлар бразилиялик футболчининг ушбу мавсум Испания чемпионатидаги голлари сонини 15 тага етказди. У ушбу натижага мусобақадаги дастлабки 10 та ўйинида эришди.
Рафиня ҳозирда Европа топ-5 чемпионатлари орасида бу мавсумнинг энг сермаҳсул футболчиси бўлиб турибди. Бу натижа топ-5 лига ўйинчилари орасида энг юқориси ҳисобланади.
Шу билан бирга, XXI асрда Ла Лиганинг илк 10 учрашувида Рафинядан кўпроқ гол урган фақат Криштиану Роналду бор. «Реал» собиқ ҳужумчиси 2014/2015 йилги чемпионатнинг дастлабки 10 та ўйинида рақиблар дарвозасига 18 марта йўл топган эди.
Шу тариқа, бразилиялик футболчи ушбу кўрсаткич бўйича асрнинг энг яхши натижаларидан бирини қайд этди. У рекорддан учта гол орқада.
Мухлислар бу янгиликни Telegram’да муҳокама қилмоқда
Изоҳлар Telegram’да очилади