«Милан» яримҳимоячиси Лука Модрич жаҳон чемпионатидан кейин ҳам фаолиятини давом эттиришга қарор қилгани ҳақида гапирди.
«Менга «Милан»да ҳаммаси яхши. Бу ерда қадрланишимни ва севилишимни ҳис қиляпман. Клуб ва янги мураббий билан суҳбатлашгач, қолишга қарор қилдим.
Жамоага фойдам тегиши, ёш футболчиларга ёрдам беришни истадим. «Милан» учун боримни бераман», — деди Модрич CBS Sports билан суҳбатда.
Аввалроқ хорватиялик футболчи 2026 йилги мундиалдан сўнг бутсаларини михга илиши мумкинлиги тахмин қилинганди. Бироқ июл ойи охирида «россонери» у билан шартнома 2027 йил ёзигача узайтирилганини эълон қилди.
Сентябр ойида 41 ёшни қарши олган тажрибали футболчи «Интер»га қарши дербида майдонда тўлиқ ҳаракат қилди ва жамоасининг 3:1 ҳисобидаги ғалабасига ҳисса қўшди.
