«Barselona» va Ispaniya milliy jamoasining sobiq himoyachisi Jerar Pike JCh-2026 finali oldidan Lamin Yamal haqida iliq fikr bildirdi.
«19 yoshli yigit uchun bunday katta bosimni yengish qiyin bo‘lishi mumkin. Ammo menimcha, Lamin bunda hech qanday muammo sezmayapti. Aksincha, u bundan zavqlanayotgandek. Men uni o‘ziga xos va noyob iste'dod egasi deb hisoblayman. Keling, yakshanba kuni u jahon chempioniga aylanishiga umid qilaylik», — dedi Pike ESPN nashriga.
JCh-2026 davomida «Barselona» vingeri 7 ta bahsda maydonga tushib, 1 ta gol muallifiga aylandi. Yamal Ispaniya milliy jamoasining finalgacha yetib kelishida muhim rol o‘ynadi.
Eslatib o‘tamiz, JCh-2026 finalida Ispaniya va Argentina milliy jamoalari o‘zaro to‘qnash keladi. Hal qiluvchi bahs 19 iyul kuni AQShning «MetLife» stadionida bo‘lib o‘tadi.
