«Zenit» Rossiya Superkuboki uchun bahsda Moskvaning «Spartak» klubini mag‘lub etdi: asosiy vaqtda jamoalar 1:1 hisobidagi durangga imzo chekishdi, penaltilar seriyasida esa omad peterburgliklarga kulib boqdi — 4:2. Bu «Zenit» uchun 10-Superkubok sifatida tarixga kirdi.
«Zenit» Rossiya tarixida 2008, 2011, 2015, 2016, 2020, 2021, 2022, 2023, 2024 va 2026-yillarda mamlakat Superkubogini qo‘lga kiritgan. Bundan tashqari, 1985-yilda peterburgliklar SSSR mavsum Kubogini yutishgan.
Ma’lumot uchun, «Zenit» amaldagi Rossiya chempioni hisoblanadi. Jamoa 2025/2026-yilgi mavsumida 30 o‘yinda 68 ochko to‘plagan. «Spartak» to‘rtinchi o‘rinni egallab, 52 ochko jamg‘argan. «Qizil-oqlar» Rossiya Kubogini yutgan, Superfinalda «Krasnodar»ni 1:1 (4:3 pen.) hisobida mag‘lubiyatga uchratgan.
Muxlislar bu yangilikni Telegram’da muhokama qilmoqda
Izohlar Telegram’da ochiladi