«Arsenal»ning 16 yoshli yarimhimoyachisi Maks Doumen Angliya milliy jamoasiga chaqirilishi mumkin. Bu haqda The Sun xabar berdi.
Manbaga ko‘ra, Angliya milliy jamoasi bosh murabbiyi Tomas Tuxel UEFA Millatlar ligasining yaqin bahslari oldidan yosh futbolchini tarkibga jalb etish imkoniyatini ko‘rib chiqmoqda.
Angliya terma jamoasida Deklan Rays, Koul Palmer, Markus Reshford, Kobbi Maynu va Tino Livramento turli sabablarga ko‘ra safdan chiqdi. Ularning o‘rniga Morgan Gibbs-Uayt va Jeyms Garner allaqachon tarkibga qo‘shilgan.
The Sun ma’lumotiga ko‘ra, asosiy tarkibdagi yo‘qotishlardan oldin ham Tuxel mamlakatdagi eng iqtidorli yosh futbolchilarni kuzatishni rejalashtirgan. Doumen ham mutaxassis e’tiboridagi futbolchilardan biri bo‘lgan.
Endi 16 yoshli yarimhimoyachiga Angliya milliy jamoasida o‘zini ko‘rsatish imkoniyati berilishi mumkin.
