«Barselona»ning sobiq himoyachisi Jerard Pike bo‘lajak «El Klasiko» bahsi uchun o‘z taxminini bildirdi. Barça Universal nashri keltirgan uning fikricha, kataloniyaliklar 25-oktyabr kuni «Real» ustidan yirik hisobda g‘alaba qozonishi mumkin.
«El Klasiko» uchun taxminim qanday? Mourinio ilk bor «Kamp Nou»ga kelganida, beshta gol o‘tkazib yuborib, 0:5 hisobida mag‘lub bo‘lgan edi. Bu safar «Barselona»ning 4:1 hisobidagi g‘alabasini taxmin qilyapman», — dedi Pike.
Ma’lumot uchun, «Barselona» va «Real» Ispaniya chempionatining 10-turi doirasida 25-oktyabr, yakshanba kuni to‘qnash keladi. Bahs Toshkent vaqti bilan 01:00 da boshlanadi.
Eslatib o‘tamiz, so‘nggi sakkizta o‘zaro bahsning yettitasida «Barselona» g‘alaba qozongan.
