O‘rtoqlik o‘yini. O‘zbekiston Toshkentda Suriyani yirik hisobda mag‘lub etdi, Norchayevdan dubl

O‘rtoqlik uchrashuvi doirasida O‘zbekiston milliy jamoasi Toshkentdagi «Paxtakor» stadionida Suriya milliy jamoasi bilan kuch sinashdi.

Unda Fabio Kannavaro shogirdlari yirik 4:1 hisobidagi g‘alabani qo‘lga kiritdi. Bellashuvda Sherzod Esanov, Akmal Mozgovoy va Husayn Norchayev (dubl) o‘z nomini tabloga yozdirib qo‘ydi. Mehmonlarning yagona goli esa Muhammad Hakimov (avtogol) hisobiga qayd etildi.

Avvalroq O‘zbekiston milliy jamoasi Eronni ishonchli hisobda mag‘lub etgani ma’lum qilingandi.

O‘rtoqlik uchrashuvi
O‘zbekiston — Suriya 4:1
Gollar: Esanov 28, Mozgovoy 44, Norchayev 48, 90 (dubl) — Hakimov 90+3 (avt).

O‘zbekiston — Ne’matov, Husanov, Karimov, O‘rozov, Mozgovoy, Hamrobekov, Amonov, Norchayev, Fayzullayev, Esanov, Maxamajonov.
Zaxira — Nazarov, Nemanov, Alijonov, Rahmonaliyev, Jaloliddinov, G‘aniyev, Holmurodov, Nasrullayev, Shomurodov, Hamdamov, Uktamov, Jiyanov, Holmatov, Abdug‘aniyev, Hakimov.

Bosh murabbiy: Fabio Kannavaro.