«Bavariya» vingeri Maykl Olise Bundesligada «Union Berlin»ga qarshi oʻyinda (7:0) het-trik qayd etdi.
Fransiyalik futbolchi uchrashuvning 43, 73 va 76-daqiqalarida raqib darvozasini ishgʻol qildi. Bu 24 yoshli Olisening professional klub faoliyatidagi ilk het-trigi boʻldi.
Bungacha u faqat Fransiya milliy jamoasi safida bir oʻyinda uchta gol urgan. Olise iyun oyida Shimoliy Irlandiyaga qarshi oʻrtoqlik uchrashuvida het-trik muallifi boʻlgandi.
Maʼlumot oʻrnida, bu mavsum Maykl Vensan Kompani jamoasi safida barcha musobaqalarda 7 ta oʻyin oʻtkazdi. Futbolchi ushbu bahslarda 8 ta gol va 3 ta assistni oʻz hisobiga yozdirib qoʻygan.
Qayd etish lozim, fransiyalik vinger 2024-yil yozidan buyon «Bavariya» sharafini himoya qilib kelmoqda. Ayni vaqtda myunxenliklar 4 ta bellashuvdan soʻng 10 ochko toʻplagan holda Bundesliga turnir jadvalida peshqadamlik qilmoqda.
Muxlislar bu yangilikni Telegram’da muhokama qilmoqda
Izohlar Telegram’da ochiladi