«Бавария» вингери Майкл Олисе Бундеслигада «Юнион Берлин»га қарши ўйинда (7:0) ҳет-трик қайд этди.
Франциялик футболчи учрашувнинг 43, 73 ва 76-дақиқаларида рақиб дарвозасини ишғол қилди. Бу 24 ёшли Олисeнинг профессионал клуб фаолиятидаги илк ҳет-триги бўлди.
Бунгача у фақат Франция миллий жамоаси сафида бир ўйинда учта гол урган. Олисе июн ойида Шимолий Ирландияга қарши ўртоқлик учрашувида ҳет-трик муаллифи бўлганди.
Маълумот ўрнида, бу мавсум Майкл Венсан Компани жамоаси сафида барча мусобақаларда 7 та ўйин ўтказди. Футболчи ушбу баҳсларда 8 та гол ва 3 та ассистни ўз ҳисобига ёздириб қўйган.
Қайд этиш лозим, франциялик вингер 2024 йил ёзидан буён «Бавария» шарафини ҳимоя қилиб келмоқда. Айни вақтда мюнхенликлар 4 та беллашувдан сўнг 10 очко тўплаган ҳолда Бундеслига турнир жадвалида пешқадамлик қилмоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади