«Бавария» клуби ҳужумчиси Ҳарри Кейн Германия чемпионатидаги голлари сони 100 тага етди. Форвард бу натижага Бундеслига тарихидаги бошқа футболчилардан тезроқ эришди.
Кейн юбилей голини Германия чемпионатининг 4-туридан ўрин олган «Унион»га қарши учрашувда киритди. Ҳужумчи 39-дақиқада белгиланган пеналтини аниқ амалга ошириб, юбилей голини уришга муваффақ бўлди.
Эътиборлиси, англиялик 32 ёшли футболчи ушбу маррага бор-йўғи 98 та учрашувда етиб келди.
Шунингдек, Ҳарри Германия кубоги доирасида кетма-кет 7 та ўйинда гол уришга муваффақ бўлганди.
Маълумот учун, Кейн 2023 йил ёзида «Тоттенҳэм»дан «Бавария»га кўчиб ўтган эди. Футболчининг клуб билан амалдаги битими 2027 йилнинг ёзига қадар мўлжалланган.
Аввалроқ «Бавария» Кейн билан амалдаги келишувни 2030 йилга қадар узайтиришга яқин эканлиги хабар қилинганди.
