«Real» bosh murabbiyi Joze Mourinio La Liga 2-turida «Espanyol» ustidan qozonilgan 2:1 hisobidagi g‘alabadan so'ng Vinisius Junior haqida fikr bildirdi.
«Men bir necha oy avval Vinisiusga raqib bo‘lgan paytimdagi gaplarimni eslatib qo‘yishingiz mumkin. Endi esa Vini mening futbolchim. U avliyo emas, ammo unga qilinayotgan ishlar haddan oshib ketdi.
Birinchi daqiqadanoq shunday holat kuzatiladi. Bu bir raqibdan boshqasiga o‘tib, takrorlanmoqda. Avval bir futbolchi unga nisbatan qo‘pollik qiladi, keyin boshqasi. Agar kimdir buning uchun sariq kartochka olsa, keyingi futbolchi unga nisbatan qo‘pollik qiladi. Raqib maydonni tark etadi, uning o‘rniga boshqa futbolchi tushadi va u ham sariq kartochkasiz Vini bilan qo‘pollik qiladi.
U hissiyotlarini nazorat qila olishi kerak. Men unga gol urgan taqdirda, uni nishonlashda ehtiyotkor bo‘lishi kerakligini aytdim.
Biz bullingga qarshi kurash haqida ko‘p gapiriladigan davrda yashayapmiz, ammo Vini hanuz raqiblar va muxlislar tomonidan bosim va ta’qibga duch kelmoqda. Biz unga bunday provokatsiyalarga tayyor turish va vaziyatni to‘g‘ri boshqarish uchun imkon qadar ko‘proq tushuntirishimiz kerak. Barcha gap shunda», — dedi Mourinio.
Eslatib o‘tamiz, «Real»ning La Liga 1-turidagi «Real Sosyedad»ga qarshi bahsi 26 avgustga ko‘chirilgan. Madrid klubi navbatdagi turda 30 avgust kuni «Malaga»ga qarshi maydonga tushadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi