«Real Madrid» bosh murabbiyi Joze Mourinio Ispaniya chempionatining ilk o‘yinida «Espanyol»ga qarshi o‘yinda (2:1) jamoasiga g‘alaba keltirgan hujumchi Karlos Espi haqida fikr bildirdi.
21 yoshli hujumchi debyut o‘yinining 90-daqiqasida — zaxiradan maydonga tushganidan atigi 10 daqiqa o‘tib g‘alaba golini urdi.
«Karlos ajoyib o‘yinchi. Gonsalo [Garsia] «Fulhem»ga ketishi mumkinligini bilganimizda, Kalafat bir nechta alternativ variantlarni taklif qildi. Keyin biz Espining nomzodini tahlil qildik va mutlaq hayratga tushdik. U hali juda yosh va bizga aynan shunday o‘yinchi kerak edi.
Espi juda ijobiy va quvnoq yigit. U orzu bilan yashaydi, lekin astoydil ishlaydi, jamoa manfaati uchun hamma narsani qiladi. Albatta, gol bilan bog‘liq epizod hal qiluvchi bo‘ldi, ammo u to‘pni Mbappega o‘tkazib yuborgan lahza ham bo‘ldi», - dedi Mourinio matbuot anjumanida.
Ma’lumot uchun, Karlos Espining «Levante»dan transferi «Real»ga 25 million yevroga tushdi.
