Madridning «Real» klubi ustozi Joze Mourinio La Liga 2-turida «Espanyol» ustidan qozonilgan 2:1 hisobidagi g‘alaba haqida fikr bildirdi.
«Menimcha, biz g‘alabaga loyiq edik, ammo «Espanyol» mag‘lubiyatga loyiq emasdi. Ikkinchi bo‘limda o‘yinni juda yaxshi nazorat qildik va kuchli bosim uyushtirdik, ko‘p tavakkal qildik. Biz g‘alabaga loyiq edik.
Ammo «Espanyol» kabi o‘ynaydigan, shunday himoyalanadigan va qarshi hujumlarga shunday chiqadigan, bor kuchini berib, jips harakat qiladigan jamoaga quruq qo‘l bilan uyiga qaytish qiyin bo‘ladi. Shunga qaramay, biz g‘alabamizga loyiq edik», — dedi Mourinio AS nashriga.
Eslatib o‘tamiz, «Real»ning La Liga 1-turidagi «Real Sosyedad»ga qarshi bahsi 26 avgustga ko‘chirilgan. Madrid klubi navbatdagi turda 30 avgust kuni «Malaga»ga qarshi maydonga tushadi.
