«Реал Мадрид» бош мураббийи Жозе Моуринио Испания чемпионатининг илк ўйинида «Эспанёл»га қарши ўйинда (2:1) жамоасига ғалаба келтирган ҳужумчи Карлос Эспи ҳақида фикр билдирди.
21 ёшли ҳужумчи дебют ўйинининг 90-дақиқасида — захирадан майдонга тушганидан атиги 10 дақиқа ўтиб ғалаба голини урди.
«Карлос ажойиб ўйинчи. Гонсало [Гарсиа] «Фулҳем»га кетиши мумкинлигини билганимизда, Калафат бир нечта алтернатив вариантларни таклиф қилди. Кейин биз Эспининг номзодини таҳлил қилдик ва мутлақ ҳайратга тушдик. У ҳали жуда ёш ва бизга айнан шундай ўйинчи керак эди.
Эспи жуда ижобий ва қувноқ йигит. У орзу билан яшайди, лекин астойдил ишлайди, жамоа манфаати учун ҳамма нарсани қилади. Албатта, гол билан боғлиқ эпизод ҳал қилувчи бўлди, аммо у тўпни Мбаппега ўтказиб юборган лаҳза ҳам бўлди», - деди Моуринио матбуот анжуманида.
Маълумот учун, Карлос Эспининг «Леванте»дан трансфери «Реал»га 25 миллион еврога тушди.
