«Реал» янги футболчиларини расман таништиришда давом этмоқда. Мадрид клуби якшанба куни ҳужумчи Карлос Эспининг тақдимот маросимини ўтказди.
Тадбир давомида «Реал» президенти футболчига 19-рақамли футболкани топширди. Шунингдек, Эспига клуб томонидан эсдалик совғалари тақдим этилди.
Қизиғи, «Реал» футболчини клубдаги дебютидан бир кун ўтиб таништирди. Эспи «Эспанёл»га қарши баҳсда захирадан майдонга тушиб, учрашувнинг 90-дақиқасида ғалаба голини урди. «Реал» баҳсда 2:1 ҳисобида зафар қучди.
Маълумот учун, 21 ёшли Эспининг «Реал» билан шартномаси 2031 йил ёзигача мўлжалланган. Ҳужумчи Мадрид клубига «Леванте»дан кўчиб ўтган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади