«Реал» бош мураббийи Жозе Моуринио Ла Лига 2-турида «Эспанёл» устидан қозонилган 2:1 ҳисобидаги ғалабадан сўнг Винисиус Жуниор ҳақида фикр билдирди.
«Мен бир неча ой аввал Винисиусга рақиб бўлган пайтимдаги гапларимни эслатиб қўйишингиз мумкин. Энди эса Вини менинг футболчим. У авлиё эмас, аммо унга қилинаётган ишлар ҳаддан ошиб кетди.
Биринчи дақиқаданоқ шундай ҳолат кузатилади. Бу бир рақибдан бошқасига ўтиб, такрорланмоқда. Аввал бир футболчи унга нисбатан қўполлик қилади, кейин бошқаси. Агар кимдир бунинг учун сариқ карточка олса, кейинги футболчи унга нисбатан қўполлик қилади. Рақиб майдонни тарк этади, унинг ўрнига бошқа футболчи тушади ва у ҳам сариқ карточкасиз Вини билан қўполлик қилади.
У ҳиссиётларини назорат қила олиши керак. Мен унга гол урган тақдирда, уни нишонлашда эҳтиёткор бўлиши кераклигини айтдим.
Биз буллингга қарши кураш ҳақида кўп гапириладиган даврда яшаяпмиз, аммо Вини ҳануз рақиблар ва мухлислар томонидан босим ва таъқибга дуч келмоқда. Биз унга бундай провокацияларга тайёр туриш ва вазиятни тўғри бошқариш учун имкон қадар кўпроқ тушунтиришимиз керак. Барча гап шунда», — деди Моуринио.
Эслатиб ўтамиз, «Реал»нинг Ла Лига 1-туридаги «Реал Соседад»га қарши баҳси 26 августга кўчирилган. Мадрид клуби навбатдаги турда 30 август куни «Малага»га қарши майдонга тушади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади