Мадриднинг «Реал» клуби вингери Винисиус Жуниор бир неча кун аввал Испания Ла Лигасининг кейинги тўртта ўйинидан четлатилган эди. Бразилиялик футболчи «Вилярреал»га қарши ўйинда рақибининг сочидан тортганидан сўнг, майдондан четлатилган, кейинроқ Винисиус Жуниорнинг ҳаракатлари қайта кўриб чиқилган ва унга 4 ўйинлик жазо тайинланганди.
The Touchline нашрининг хабар беришича, «Реал»нинг Винисиуснинг дисквалификацияси борасидаги апелляцияси рад этилган. Қарор ўз кучида қолди — бразилиялик ҳужумчи чемпионатнинг тўртта ўйинини ўтказиб юборади.
Шундай қилиб, Жозе Моуринио «Севиля» (18 октябр), «Барселона» (25 октябр), «Расинг» (1 ноябр) ва «Валенсия» (7 ноябр) га қарши беллашувларда Винисиус Жуниор хизматларидан фойдалана олмайди.
Эслатиб ўтамиз, 8-турдан кейин 18 очко жамғарган «қаймоқранглилар» Ла Лига мусобақа жадвалида 4-ўринни банд этиб турибди.
Маълумот учун, аввалроқ Жозе Моуринио бразилиялик футболчини ҳаттоки Чемпионлар Лигаси доирасидаги ўйинларда ҳам майдонга туширмай туришга қарор қилгани ҳақида хабар бергандик.
Мухлислар бу янгиликни Telegram’да муҳокама қилмоқда
Изоҳлар Telegram’да очилади