«Реал» яримҳимоячи Жуд Беллингҳем билан шартномани узайтириш борасида келишиб олди. Англиялик футболчининг янги меҳнат шартномаси 2031 йилнинг ёзигача мўлжалланган бўлади. Бу ҳақда АС ўз саҳифаларида маълум қилди.
Манбанинг таъкидлашича, Беллингҳемнинг шартнома шартлари яхшиланади, бу эса футболчининг жамоа учун мақоми ва аҳамиятига мос келади.
Жуд Беллингҳем 2023 йилнинг ёзида Дортмунднинг «Боруссия» жамоасидан «Реал»га ўтган эди. Ўшандан бери Англия миллий жамоаси аъзоси 150 та ўйинда майдонга тушиб, 49 та гол урди ва 34 та голли узатмани амалга оширди.
Маълумот учун, якшанба, 18 октябр куни мадридликлар ўз уйида, «Сантяго Бернабеу» стадионида «Севиля»ни қабул қилади.
Эслатиб ўтамиз, 8-турдан кейин 18 очко жамғарган Жозе Моуринио шогирдлари Ла Лига мусобақа жадвалида 4-ўринни банд этиб турибди.
