Angliya Premyer-ligasining 3-turida «Manchester Siti» o‘z maydonida «Koventri»ni 1:0 hisobida mag‘lub etdi. Ushbu g‘alabadan so‘ng «shaharliklar» 9 ochko bilan turnir jadvalida peshqadamlikni saqlab qoldi.
«Bugun turli sabablarga ko‘ra o‘yinimiz menga juda yoqdi. Birinchi bo‘limda yana bir yoki ikkita gol urishimiz mumkin edi, ammo g‘alaba uchun birgalikda harakat qildik. Shu bois xursandman», — dedi Mareska.
Mutaxassis past blokda himoyalanadigan jamoalarga qarshi o‘ynash doimo qiyinligini ta’kidladi.
«Bunday jamoalarga qarshi har doim qiyin. Menimcha, biz bunga juda yaxshi qarshi turdik. Muxlislarning asabiylashishi tabiiy. Bunday bahslardan keyin 10 holatdan 9 tasida yoqimsiz taassurot qoladi. Ammo 1:0 hisobida ham g‘alaba qozonishni bilish muhim. Barcha bahslar ham chiroyli o‘tavermaydi. Qiyin vaziyatlardan ham chiqib keta olish kerak», — deya qo‘shimcha qildi murabbiy.
Muxlislar bu yangilikni Telegram’da muhokama qilmoqda
Izohlar Telegram’da ochiladi