«Aston Villa» Angliya Premyer-ligasining 3-turida safarda «Hall Siti» bilan 0:0 hisobida durang o‘ynadi. Shu tariqa jamoa mavsumdagi dastlabki uch bahsida ham raqib darvozasini ishg‘ol qila olmadi.
Opta ma’lumotlariga ko‘ra, Angliya oliy divizioni tarixida avval faqat bir jamoa ketma-ket ikki mavsumning dastlabki uch turida gol ura olmagan. Bu — 1969/70 va 1970/71 yilgi mavsumlarda «Ipsvich» edi.
«Aston Villa» ayni paytda 1 ochko bilan turnir jadvalining 17-pog‘onasida bormoqda. Jamoaning dastlabki uch turdagi to‘plar nisbati esa 0:5.
Qizig‘i, o‘tgan mavsumda ham «Aston Villa» dastlabki uch turda gol ura olmagan, biroq yakunda 4-o‘rinni egallab, Chempionlar ligasiga yo‘llanma olgandi.
