Saudiya Arabistoni Proligasining 5-turida «Al Ittihod» o‘z maydonida «An Nasr»ni qabul qildi. Bahs mezbonlarning 2:1 hisobidagi g‘alabasi bilan yakunlandi.
Jorj Ilenikena 4-daqiqadayoq «Al Ittihod»ni oldinga olib chiqdi. 23-daqiqada hujumchi yana bir bor gol urib, dublini rasmiylashtirdi. 36-daqiqada «An Nasr» safida Gabriel Anjelo bir gol farqni qisqartirdi, biroq mezbonlar qolgan vaqtda hisobni saqlab qoldi.
«An Nasr» hujumchisi Krishtianu Ronaldu bahsni to‘liq o‘tkazdi, ammo gol yoki assist qayd eta olmadi. Shu tariqa jamoa mavsumdagi ilk mag‘lubiyatini qabul qilib oldi.
Ushbu natijadan so‘ng «An Nasr» 12 ochko bilan ikkinchi, «Al Ittihod» esa 11 ochko bilan to‘rtinchi o‘rinda bormoqda.
Saudiya Proligasi. 5-tur
Al Ittihod — An Nasr 2:1
Gollar: Ilenikena 4, 23, Anjelo 36.
Al Ittihod: Raykovich, Al Julaydan (Al Shankiti, 53), Danilo Pereyra, Kadesh, Abdi, Lopi, Muxtar Ali (Richard Rios, 46), Al G‘amdi (En Nesiri, 67), Aua, Bergveyn (Kaabi, 82), Ilenikena (Al Sahafi, 67).
An Nasr: Al Aqidi, Al Bushayl, Simakan, Al Amri, Al Najdi (Ayman Yahya, 60), Koman (Al Nasser, 60), Samu Koshta (Al Haybari, 78), Gabriel Anjelo (Al Hamdan, 78), Mane, Joau Felish, Krishtianu Ronaldu.
Ogohlantirishlar: Samu Kosta 55, Al Amri 90.
Muxlislar bu yangilikni Telegram’da muhokama qilmoqda
Izohlar Telegram’da ochiladi