«Benfika» tayanch yarimhimoyachisi Richard Rios faoliyatini Saudiya Arabistonida davom ettiradi. 26 yoshli kolumbiyalik futbolchi «Al Ittihod» safiga qo‘shildi.
Portugaliya klubi matbuot xizmatining xabar berishicha, «Al Ittihod» Riosni 2026/27 yilgi mavsum oxirigacha ijaraga oldi.
Rios o‘tgan mavsum Portugaliya chempionatida 27 ta uchrashuvda maydonga tushib, 5 ta gol urdi va 4 ta golli uzatmani amalga oshirdi.
Saudiya chempionatining to‘rt turidan so‘ng «Al Ittihod» 8 ochko bilan turnir jadvalining beshinchi pog‘onasida bormoqda.
