«Бенфика» таянч яримҳимоячиси Ричард Риос фаолиятини Саудия Арабистонида давом эттиради. 26 ёшли колумбиялик футболчи «Ал Иттиҳод» сафига қўшилди.
Португалия клуби матбуот хизматининг хабар беришича, «Ал Иттиҳод» Риосни 2026/27 йилги мавсум охиригача ижарага олди.
Риос ўтган мавсум Португалия чемпионатида 27 та учрашувда майдонга тушиб, 5 та гол урди ва 4 та голли узатмани амалга оширди.
Саудия чемпионатининг тўрт туридан сўнг «Ал Иттиҳод» 8 очко билан турнир жадвалининг бешинчи поғонасида бормоқда.
