«Тоттенҳэм» спорт директори Йохан Ланге «Челси»дан ижара асосида келган Михаил Мудрикнинг трансфери ҳақида фикр билдирди.
«Михаилни клубимизда қарши олаётганимиздан хурсандмиз. Унда жамоамизга катта ҳисса қўшиш имконини берадиган фазилатлар борлигига ишонамиз ва унинг бизнинг муҳитимизда ривожланишини интиқлик билан кутяпмиз.
Михаилнинг амбицияси ва бу чақириқни қабул қилишдаги қатъияти менда катта таассурот қолдирди. У муваффақиятга эришиш ва ўз устида ишлашни жуда хоҳлайди. Бу эса биз шакллантираётган клуб маданиятига тўлиқ мос келади.
Унга янги муҳитга мослашиши, Роберто Де Зерби ва мураббийлар штаби, шунингдек, янги жамоадошлари билан ишлаши давомида тўлиқ ёрдам берамиз. Унинг фаолиятидаги навбатдаги босқични интиқлик билан кутяпмиз», — дея Лангенинг сўзларини клуб расмий сайти келтирди.
