Германия Кубогининг биринчи раундида Бундеслиганинг барча 18 клуби ғалаба қозонди ва мусобақанинг кейинги босқичига чиқди.
Бу Германия футболи учун камёб натижа бўлиб, бундай ҳолат сўнгги бор 18 йил аввал қайд этилган эди. Элита дивизион жамоаларининг бирортаси қуйи лига вакилларига ютқазмади.
Иккинчи раунд йўлланмасини «Бавария», Дортмунднинг «Боруссия»си, «Байер», «РБ Лейпциг», «Айнтрахт», «Вердер», «Штутгарт», «Ҳоффенҳайм» ва «Фрайбург» қўлга киритди. Шунингдек, «Аугсбург», «Ҳамбург», Мёнхенгладбахнинг «Боруссия»си, «Кёлн», «Шалке», «Унион», «Майнц», «Падерборн» ва «Элферсберг» ҳам мусобақадаги иштирокини давом эттиради.
Биринчи раунд одатда фаворитлар учун жиддий синовга айланади: қуйи дивизион клублари ўз майдонида кучли рақибларга қарши кутилмаган натижа қайд этиши мумкин. Аммо бу сафар Бундеслига жамоалари ўз мақомини тасдиқлади. Натижада иккинчи раундда Германиянинг олий дивизионидан бирорта клуб қолмайдиган сценарий юз бермади.
Германия Кубогининг иккинчи раунги учун қуръа ташлаш маросими шанба куни ўтказилади. Унда Бундеслига клублари бир-бирига рақиб бўлиб қолиши ёки қуйи лига вакилларига қарши жуфтлик ҳосил қилиши мумкин.
