«Tottenhem» sport direktori Yoxan Lange «Chelsi»dan ijara asosida kelgan Mixail Mudrikning transferi haqida fikr bildirdi.
«Mixailni klubimizda qarshi olayotganimizdan xursandmiz. Unda jamoamizga katta hissa qo‘shish imkonini beradigan fazilatlar borligiga ishonamiz va uning bizning muhitimizda rivojlanishini intiqlik bilan kutyapmiz.
Mixailning ambitsiyasi va bu chaqiriqni qabul qilishdagi qat’iyati menda katta taassurot qoldirdi. U muvaffaqiyatga erishish va o‘z ustida ishlashni juda xohlaydi. Bu esa biz shakllantirayotgan klub madaniyatiga to‘liq mos keladi.
Unga yangi muhitga moslashishi, Roberto De Zerbi va murabbiylar shtabi, shuningdek, yangi jamoadoshlari bilan ishlashi davomida to‘liq yordam beramiz. Uning faoliyatidagi navbatdagi bosqichni intiqlik bilan kutyapmiz», — deya Langening so‘zlarini klub rasmiy sayti keltirdi.
